|
Oh I Hae Seen The Roses Blaa
OH I HAE SEEN THE ROSES BLAA
Oh I hae seen the roses blaa,
The heather bloom, the broom and aa',
The lily spring as white as snaa',
With all their native splendour.
Yet Mary's sweeter on the green,
As fresh and fair as Flora's queen,
Mair stately than the branching bean,
Or like the ivy slender.
For her I'd live a life remote,
Wi' her I'd love a rustic cot,
There bless kind fortune for my lot,
And ilka comfort lend her.
Till death seals up my wearied eye,
In troubled dreams her form I'll see
Till she consents to live with me,
In lonesome shades I'll wander.
[Go Back]
|
